Fasteignasalan Garður 

Um er að ræða 4 svefnherbergja, 193,5fm einbýlishús á tveimur hæðum ásamt sérstæðum bílskúr. Húsið er byggt úr holstein og klætt að utan með bárujárni. Eignin stendur á 879 fm fallegri lóð og liggur hún næst við skemmtilegan leikvöll sem er í eigu bæjarins. Í heild er þetta mjög falleg eign sem bíður upp á mikla möguleika. 
Góð aðkoma er að eigninni og lýtur eignin vel út að utan. Einstaklega vel staðsett hús í hjarta Þorlákshafnar þar sem stutt er í alla helstu þjónustu s.s. verslanir, grunn- og leikskóla og íþróttamiðstöð og sundlaug. 

Skv. fasteignaskrá er neðri hæð 81,5 fm, efri hæð 55 fm að hluta undir súð, herb í kjallara: 25 fm og  bílskúr 32 fm. Samtals 193,5 fm. 
Nánari lýsing:
Neðri hæð:
Forstofa er flísalögð og með góðum skápum. 
Gangur sem tengir allar vistarverur neðrihæðar saman ásamt fallegum timburstiga upp á 2.hæð. 
Eldhús með parket á gólfi, eldri hvítri innrétting, góðum borðkrók.
Þvottahús er inn af eldhúsi. 
Stofa og borðstofa er opið bjart rými með stórum gluggum, parket á gólfi.
Svefnherbergi sem er nýtt sem sjónvarpsherbergi í dag. Parket á gólfi. 
Baðherbergi með hvítri innréttingu og baðkari með sturtuaðstöðu. Dúkur á gólfi. 
Efri hæð: Á efri hæð eru þrjú góð svefnherbergi. Barnaherbergin eru að hluta til undir súð. Góður fataskápur er í hjónaherbergi. 
Stigagangurinn er bjartur og með góðum glugga. Frá gangi er hægt að komast í geymslu undir súð. 
Kjallari:
í kjallara er inntaksrými. Þetta eru tvö rými sem eru skráð samtals 25. fm. Kjallarinn er nýttur sem geymsla í dag. 
Bílskúr stendur sér á lóðinni, með rafmagn en ekki hita en undir skúrnum er gryfja. Bílskúrinn þarfnast viðhalds.

Framkvæmdir síðustu ára að sögn eiganda.
Sett upp nýja baðinnréttingu, skáp og handlaug árið 2020.
Skipt um þak, klæðningu, flesta glugga, útidyrahurð og rennur 2005 - 2007.
Byggt við forstofu 2005 - 2007.
Þorlákshöfn:
Þorlákshöfn er frábær staður til að búa sér notalegt heimili og ala upp börn. Vinalegur og barnvænn bær í nálægð við aðra þéttbýliskjarna. Í dag er öll þjónusta við barnafólk og fjölskyldur í Þorlákshöfn til fyrirmyndar. Stuttar vegalengdir einfalda allar samgöngur og börnin geta gengið örugg í skóla og tómstundastarf. Skólarnir eru eitt af trompum bæjarins þar sem stutt er vel við bakið á þeim sem þess þurfa. Rúmgóður og vel búinn grunnskóli með persónulegum samskiptum á milli heimilis og skóla. Leikskólinn Bergheimar er fimm deilda leikskóli fyrir tveggja til sex ára börn. Öll íþróttaaðstaða í Þorlákshöfn er mjög góð og ákaflega vel nýtt af bæjarbúum. Margir nýir íbúar hafa nefnt að í stað þess að festa kaup á íbúð á höfuðborgarsvæðinu hafi verið hægt að fá íbúðarhús í Þorlákshöfn og búa fjölskyldunni stærra og rúmbetra heimili í barnvænu umhverfi.

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.Fasteignasalan Garður bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að greiða vegna kaupa:
1. Stimpilgjald af kaupsamningi er 0,8% af heildarfasteignamati hjá einstaklingum. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi - 1,6% af heildarfasteignamati hjá lögaðilum.
3. Þinglýsingargjald af kaupsamningi, afsali, veðskuldabréfi, mögulegu veðleyfi o.fl. - kr. 2.700 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu skv. kauptilboði.

www.fastgardur.is |  Bæjarhraun 12 | 220 Hafnafjörður | Fasteignasalan Garður